【情人節】麥美恩一定要收花 無表示必死：一年一次唔係唔送呀？
撰文：張嘉敏
出版：更新：
情人節總會令情侶們思考一個問題，究竟要不要送/收花呢？作為女仔，情人節收花又是否一定會開心呢？今日麥美恩 (Mayanne) 為無綫節目《學是學非》錄影時，被問到情人節是否一定要收花，她好坦白咁話：「要，我一定要，我覺得係一種心意同埋effort嚟，因為情人節好難買花，又特別貴，所以我覺得係一個心理關口要個男仔去衝破嘅，就睇下佢捨唔捨得使錢喺自己身上，使唔使花時間去買。如果擺喺架車度就可以唔使咁張揚，唔係嘅話一個男仔拎住紮花喺街行都需要勇氣。」
麥美恩講到明自己情人節一定要收花。（梁碧玲攝）
既然Mayanne一定要男朋友送花給她，那麼唔送又會怎樣呢？Mayanne坦言確有男友試過無送花給她，她說：「我會問佢點解唔送，會追究到底，佢話情人節買花好貴，我即刻著咗，真心嬲呀，情人節一年一次都唔送？咁我生日同情人節好近，睇下佢會唔會喺我生日時補償返，如果無，我就會friend zone佢㗎喇。」她亦有因為男朋友無送花給她而判對方死刑：「佢情人節已經無表示，我就買晒朱古力禮物送畀佢，到我生日我同佢講拜拜算。」
Mayanne話情人節唔環保一日咁多啦。（梁碧玲攝）
收花對Mayanne來說咁重要，真係每年情人節都要送㗎，她說：「追到前追到後都必需要送花畀我，一年一次咋喎，咁都唔肯送？」對於有人認為送花唔環保，Mayanne亦有她的一套見解：「一年都係得一日啫，其餘嗰364日環保囉。我好鍾意花，好有象徵意義，我認我係現實，我情人節要收花。」
Mayanne話追佢時同追到佢之後都要送花㗎。（梁碧玲攝）
Mayanne話如果男朋友在街上拎住一大紮花送給她，她會好冧：「其實送一支都得嘅，但送一紮就更好啦。我收過最大紮嘅花係讀書時有追求者送嘅玫瑰花，我都唔記得有幾多支，總之就好大紮，成班同學見到都「嘩」咗出嚟，之後都有同呢個男仔一齊咗一年左右，係puppy love嚟。」
Mayanne嘅前度因爲情人節完全無表示而被佢判死刑。（梁碧玲攝）