【波士早晨】黃智賢最期待畫面出現未？　「人永遠都有嘢追求」

「我無咩最期待嘅嘢！」這句話是出自潛力圖「我最期待的畫面出現了」的主角、入行30年的黃智賢身上。在打工仔眼中打一份工打足30年，都會標籤為「老海鮮」，心中個團火或多或少都被熄滅。七年前，在台慶頒獎禮上奪得《最佳男配角》獎項的黃智賢，後生一輩除了聯想起潛力圖之外，上了年紀的觀眾就對他在《真情》阿海一角留下深刻印象。到底黃智賢心裏最期待的畫面出現了沒有呢？
攝影：梁碧玲

黃智賢笑言如果拿了視帝獎項，不知道還有甚麼追求，「人係一個貪心嘅動物，永遠都有嘢追求。我唔想去話set要攞視帝還是影帝，我唔覺得只係一個行業，可能係我人生入面，唔一定係工作範疇。如果佢從來唔出現，咁我點呀？我係咪好遺憾，我又唔想有遺憾，係當下我係滿足，已經係我最期待。」可能你會認為他會有這個想法，只是「吃不到的葡萄是酸的」，但當他講出這番話的時候，臉上的笑容是十分滿足，其實這就是知足。

坦白說很難相信有哪位演員不想有獎項來肯定自己，黃智賢亦是，七年前已在台慶頒獎禮上奪過《最佳男配角》獎項的他，問到下一個目標是否攞視帝？他就有自己一套看法，「有當然係好嘅，開心嘅。但我唔係話為左攞獎而幹活，我嘅工作唔會話一收到劇本就講：『嘩呢個角色好有potential，一定會攞獎我要做好佢！』，我無咁樣諗過。」黃智賢坦言因為太過知道timing，是否天時地利，根本就控制不到，所以也沒有特別去想太多。

他笑言做左咁多年戲，未必個個角色都鍾意，有些更是自己演出後感到後悔的角色，「 一定會有呢啲嘅時候，咁係咪無佢地嘅意義，諗返轉頭，可能就係要有啲無聊，有啲戇居有啲蠢左嘅moment。」其實做人亦是，經常「咁醒目」是不行的，正所謂「好又一餐唔好又一餐」，這些經驗都會令自己有所成長，無論你是演員還是普通的打工仔也是如此。

原來他有那麼深的感受，相信大部分原因是因為2012年那年台慶，當年他在《雷霆掃毒》中飾演奸到無倫的「魔警」潘學禮一角，竟然未能入圍男配名單，其後他就怒罵無綫：「到底公理何在！」，原來他曾有最期待的畫面，可惜最後卻被磨滅了，所以黃智賢會話自己沒有甚麼期待的，大家都知道會發生甚麼。

去年他有份參與的劇集《親親我好媽》播出後，外界對該劇都有高度評價，他亦認為拍完《親親我好媽》之後，覺得做一啲社會良心嘅角色都幾有價值，「雖然我知道呢個角色未必會攞獎，但呢套劇引伸咗好多話題同反思，我幾樂意有呢個參與，有個正面嘅意義俾觀眾。」當訪問去到這一刻，我覺得他對於要拍甚麼，角色會否攞獎已看得很淡，只是抱住「I will get the job done！」的心態。

黃智賢在事業上已經知足，至於愛情中最期待的畫面究竟出現了沒有？大家請留意下集。