富豪剪頭髮幾錢一次？ 蔡加讚：我3個星期就要剪一次
撰文：張嘉敏
出版：更新：
Karson呢個髮型係出自老婆汪圓圓手。
大家平日去髮型屋剪個髮通常幾錢一次？富豪級的名人剪髮係咪又會貴好多？玩具大王蔡志明孻仔蔡加讚 (Karson) 原來好唔鍾意去髮型屋理髮，對於工作忙到連陪伴屋企人時間都不夠的Karson來說，要他在髮型屋坐兩個鐘，其實都幾浪費時間，他說：「我依家呢個頭都係圓圓（老婆汪圓圓）幫我剪，佢以佢幫我哋三個小朋友剪髮嘅經驗，同埋以啲BB頭做藍本幫我剪嘅。」
Karson同老婆好傾到畀人問佢哋係咪好耐無見。
有愛妻親自為他操刀來個愛心剪，Karson當然好滿意啦，還表示：「我決定以後都畀圓圓幫我剪髮，我3個星期就要剪一次，剪得好密。」所以富豪理髮唔一定會好貴，好似Karson咁樣就一蚊都唔使喇。而他更會珍惜圓圓幫他剪髮共聚的時間，屋企有個御用髮型師，真係好sweet呀！一直都咁恩愛的兩人早前情人節享受燭光晚餐，更好傾到被侍應問他們是否好耐無見添。