【果欄中的江湖大嫂】楊明滿口道理　覺唔覺呢種角色真係好煩？

無論你生命中見過幾多個美好嘅人同事，總有幾個人你會覺得佢係特別乞人憎。一套劇集作為生活嘅縮影，都總係有幾個角色會令人覺得篤眼篤鼻，就好似無綫劇集《果欄中的江湖大嫂》裡面，由楊明飾演嘅社工「財仔」咁。滿口仁義道德嘅佢，咩事都話要靠對話去解決，令其他人條氣唔順之餘，仲令到個問題愈嚟愈大，真係搞到電視面前嘅觀眾睇到扯哂火。其實呢種人現實世界都唔少，有創意嘅網友就幫佢哋改咗個好貼切嘅名──「左膠」。

好似《果欄中的江湖大嫂》入面，「小狼女」馮盈盈就為咗幫「孖八」蔣家旻報被毒打之仇，就同「葡撻」許家傑夾手夾腳捉走咗「高B」衛志豪去廢屋，仲綁咗佢喺張櫈度用壘球棍毒打。正當蔣家旻想幫自己出一口氣嗰陣，就突然殺出楊明呢個「架兩」，一手接住支棍後就開始講經：「你傻咗呀？你想打死佢呀？你知唔知傷人好大罪？」搞到蔣家旻幫唔到自己報仇之餘，亦搞到觀眾條氣Chok住Chok住。

呢個世界唔係靠「和理非非」就解決到哂所有嘢㗎！先唔講英國當年因為綏靖政策搞到納粹德國愈嚟愈氣焰，亦都唔講依家香港嘅政治環境，淨係講做人本身都唔應該係咁。當你畀人恰到上心口，你仲要好聲好氣咁要求大家一齊坐低面對面咁靠傾偈去解決成件事，係一件好違反人性嘅事。如果你咩都講「和理非非」，相信孔子都喺畀你激到翻生，孔子就話過做人係要「以直報怨，以德報德」嘅，意思即係話惡行係要有合論嘅懲罰先Make Sense。

當然，咁講唔係話咩都應該要靠私了、靠報仇解決，香港都仲係一個講法律嘅地方，法律的確好多時候係解決問題嘅終點。不過，記住係好多時候，唔係全部時候，好似楊明咁呢啲「左膠」就過哂火，太過諗後果係點，當你做咗乜乜乜之前你喺你耳邊講咁做就乜乜乜。好多時其實做嗰個唔係唔知最後會點，係明知結果點都繼續做，因為呢件事係應該做，唔做就唔Gur。你彈出嚟講埋哂啲係人都知嘅大道理，只會令人覺得你好煩，阻住個地球轉。

如果樣樣嘢都諗後果、諗衰咗會點，有衰嘅機會就唔做，依家就唔會一天都係飛機，一地都係車，甚至有人坐火箭上太空。雖然大家都應該欣賞楊明喺衛志豪炒車時一馬當先救出對方，覺得馮盈盈嘅袖手旁觀Over咗，因為衛志豪做過嘅嘢未至於要佢死，但唔代表之前成隻攝青鬼咁下下阻頭阻勢係正確。做人應該係為自己人生負責，亦應該係自己為自己去爭取，唔好恃住自己企喺所謂嘅道德高地，就隨便干涉人哋嘅決定，其實你有冇問過人哋係咪真係要你幫。

《果欄中的江湖大嫂》尋晚一集嘅部分截圖：