【VR驅魔人】史上最多串星嘅劇? 二十集玩轉香港各大爭議話題

撰文:
最後更新日期:

ViuTV新劇《VR驅魔人》將於明天(3月26日)晚上10點鐘首播,除了有王貽興、劉翁(Sunny)自編自導自演,更有大量歌影視紅星演出,包括葛民輝、詹瑞文、劉浩龍、吳浩康、江若琳等,完全係多不勝數,而作為港產鬼片、殭屍片代表人物的錢小豪、吳耀漢和樓南光等亦有份亮相,陣容強大到就算不是鬼片Fans都好期待。

王貽興、劉翁嘅ViuTV新劇《VR驅魔人》明晚正式首播。(劇照)

+8
+7
+6

劇集一共20集,分開十個單元故事,會以輕鬆戲謔的手法去探討好認真嘅香港社會問題,包括學童自殺、獨居老人、對同性戀的偏見等問題。咦?乜唔係講用VR捉鬼咩?貽興接受《香港01》訪問時就答謂:「其實我同Sunny喺劇都係做返自己,一個係喺大台撈唔掂、專欄淨返冇幾個嘅作家,一個就係因為冇人出碟搞到冇得影唱片封面嘅攝影師。」

葛民輝在劇中透過VR撞鬼程式解憂。(劇照)

貽興繼續解釋時就指他與劉翁在戲中與現實一樣,拎住十個故事周圍Sell,但大多數的老闆反應都一樣,均指鬼故因為內地唔播得所以冇得使。Sunny補充:「但其中一個老闆就話VR見鬼有得做,所以我哋就把心一關發大嚟做嚟呃人錢,到之後有錢拍咩都得,但點知從中幫咗好多人。」

劇集除了有葛民輝、詹瑞文、劉浩龍外,仲有錢小豪、吳耀漢同樓南光嘅演出。(劇照)

+8
+7
+6

飾演Sunny舅父的葛民輝便是首隻白老鼠,Sunny謂:「佢每晚8點03分都會由廚房撲去廳,廳撲去廚房,再由廚房撲去神位,跟住神位再撲出窗咁,原來佢係因為親眼望住佢老婆跳樓先搞成咁,而佢當初係唔知老婆係有抑鬱症,當晚佢想捉住佢老婆但始終爭兩吋,最後就搞到每一晚都重覆呢個動作。」而這個VR程式就令阿葛睇到想睇嘅嘢。

陳國邦、羅敏莊兩公婆化身虎爸虎媽,戲中陳國邦更想透過VR程式質問仔仔為何自殺。(劇照)

除了吳耀漢擔綱的「獨居老人」故事和吳浩康做主角嘅「同性戀黑社會大佬」故事,陳國邦、羅敏莊夫婦的「自殺學童」故事亦相當爆。飾演兩人兒子的劉小華不堪學業壓力跳樓自殺,自此之後,兩公婆便愈走愈遠,羅敏莊反思以前如何做錯,但陳國邦則堅持己見覺得一切都係為仔仔好。雖然陳國邦做喃嘸佬,但一直不相信世間有鬼,卻同時好想質問已死仔仔,所以想透過VR尋找一個答案,「到底係邊個逼死你」。

+9
+8
+7


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。