岑麗香同老公結婚年多愈來愈甜蜜 教你3招keep住熱戀感覺
撰文：張嘉敏
出版：更新：
香香話自己唔會咁快生BB。(黃國立攝)
幸福人妻岑麗香 (香香) 今日出席無綫big big channel活動時與一班小朋友齊玩遊戲，自然又被問到幾時到她生B，香香就話暫時未有計劃，玩住人哋啲BB先。講到她同老公強強結婚年幾仲好似熱戀中咁甜蜜，有甚麼招數可以教下大家，香香說：「我覺得最重要係兩個人嘅溝通，大家都要坦白，可以乜都拎出嚟冷靜咁傾，了解彼此嘅想法。」她同強強當然都是咩都傾啦。
香香同老公強強勁Sweet。
香香仲話其實婚前或婚後的輔導都好有幫助：「好多人會覺得婚姻輔導呢樣嘢好負面，好似係有問題先要尋求輔導，其實唔係咁樣，對我嚟講係好正面嘅，可以學識新方法去溝通。自己作為基督徒都有接受婚前輔導，牧師唔建議無做輔導就結婚，我當時都好期待，一啲都無抗拒。」而生活上的各種分享都可以令大家感情更close，香香說：「日常生活一啲小動作，例如影個早餐畀對方睇，update下自己做緊咩，好想對方知道，亦會令對方知道自己心入面有佢。」
香香話一對夫妻最緊要係坦然相對。
+5