【早霸王】大男人要面唔理老婆鬥分居 森美：唔係肯認錯就得
撰文：張嘉敏
出版：更新：
森美繼續孖住小儀幫人解答感情問題。
早前播出的商台節目《早霸王》表白環節《你知道唔知道有人掛住你》入面，主持森美同小儀就幫一個同太太分開了的人夫挽救婚姻。呢位聽眾叫「阿峰」，他同太太結了婚幾年，有了小朋友之後兩人的關係就愈來愈疏離，阿峰的藉口是因為每次同太太傾偈，他們的女兒就會阻住晒，會掩住他個嘴，又會喊。不過講講下阿峰先承認是自己唔關心太太，不願聆聽太太說話，經常被太太投訊沒理過太太的感受。
森美直指阿峰搵藉口好多餘。
森美直指阿峰將責任推卸到女兒身上，搵這些藉口根本是多餘，結果阿峰認自己大男人，太要面而無關心以及無理會太太。雖然阿峰肯認錯，不過就似乎唔係好知其實他錯在那裡，森美即點醒他並解釋給對方知道：「你認錯同你知道自己錯咩係兩回事，唔係肯認錯就得，你要知道自己錯咩先可以改到。」森美完全係說中重點，如果唔知自己錯咩，就算口口聲聲話認錯，遲早都會一錯再錯，係無意思的。而阿峰被森美教訓完一輪之後，先有機會致電太太道歉，不過最終可唔可以氹掂老婆，節目就冇交代啦！
森美話肯認錯無用，要知自己錯咩先改到錯。
森美咁愛老婆就梗係好關心對方啦。