劉德華都忍唔住要出手打擊黃牛黨　年底演唱會將不設內部認購

劉德華出晒名好鍚他的一班粉絲，年初他宣佈今年會於紅館舉行聖誕及跨年演唱會，以香港站為首站為他的巡迴個唱揭開序幕。網上更有人聲稱可以代購門票，華仔為免歌迷被騙徒騙取金錢，即透過歌迷會專屬網站宣佈只有三個認可平台發佈關於他的消息才可以作準。而今日就有報道指華仔為了令到支持他的粉絲可以買到演唱會門票，兼打擊黃牛黨炒賣門票，今次演唱會將取消所有內部認購，足證他杜絕黃牛的決心，相信呢招亦是最有效的方法。

今次華仔可以咁型不設內部認購，據知是因為是次演唱會由他自己的公司映藝集團主辦，所以毋須向其他人交代，扣除各個贊助商獲分配既有數量的門票，其餘門票均會優先讓華仔歌迷會「華仔天地」訂購，之後再公開發售。無得內部認購，公眾可以買到的門票數量自然激增啦，可以正價買到門票就唔會有人再幫襯黃牛黨喇。