【早霸王】壓力爆煲患潔癖 森美心水清問:你係咪唔畀老公掂你?

撰文:
最後更新日期:

每逢一到星期五這個日子,就知道係《早霸王》表白環節《你知道唔知道有人掛住你》的時候,好可惜今次打上嚟嘅聽眾都要表白,都唔知幾多個禮拜唔係表白環節,聽眾都個個投訴,仲質疑係咪係因冇咗西瓜嘅關係,冇篩選過就將個電話接入嚟。

好啦,入正題,今次打嚟嘅聽眾叫Kiki,係一個人妻嚟嘅,佢話佢因為近排係咁洗嘢,搞到激嬲咗老公,森美就好奇問:「你係咪使錢啊,即係如果我屋企個女人係咁洗嘢、洗地,我就覺得發達喇,點會覺得鍾意洗嘢係唔好。」Kiki解釋原來佢堅係洗嘢:「我之前果排洗被,唔知係羊毛就掉咗去洗衣機度洗,被老公鬧我,我又好鍾意洗手洗地,近排可能壓力大,有種心慌嘅感覺。」

【早霸王】家姐細妹電台罵戰 森美直播都叫唔停

【早霸王】養貓有車仲娶埋老婆 森美:你擁有香港人最理想生活!

森美心諗老婆鍾意洗嘢係好事嚟!(網上圖片)

+5
+4
+3

聽落似係潔癖,係病嚟喎,森美就建議佢唔好理老公問題住:「你搞咗自己先啦,你洗幾頻密?未洗係有幾不安?講嚟聽下先。」Kiki好似都幾嚴重,佢話平時返Office冇耐就要去洗手,聽落都好普通啊,但原來仲唔止,佢話佢買咗支洗手液,唔夠兩日就冇咗半支,森美大哥聽完冇話佢,反而好細心同佢解釋應該點做:「你洗完同自己講冇事嘅,乾淨嘅,其實洗第一次就乾淨,第二次就污糟,點解呢?因為洗第二次會將微生物洗死埋,咁就冇咗防衛,洗得太多次就保護唔到自己皮膚,你咁諗就知道洗死晒仲污糟,不過呢個係治標,但你要治本,你個本係太緊張。」

Kiki份工係做Analysis,只要工作上有小小出錯,佢就會好擔憂,呢件事甚至影響到佢夫妻之間嘅關係,森美話自己都有經驗,有過情緒病,佢好直接咁問Kiki:「你係咪唔肯被佢掂你㗎?」Kiki都坦言話一時時,森美就好緊張同佢講:「我話畀你聽,你老公出去滾冇人幫你㗎,好肯定會影響你哋夫妻之間關係 ,我話畀你知不出兩年你老公肯定會滾!日積月累,唔畀掂真係會影響!」

其實森美自己之前都有過情緒病。(網上圖片)

Kiki聽完都驚驚哋,但佢就求其話自己會用少啲洗手液,話希望會改善到,森美即刻大鬧:「我聽唔到誠意,聽唔到個方向,你個腦入面都冇說服過自己要改 ,咁點改阿?形式上有冇實際嘅嘢做到?你要比啲行動佢睇到,好似洗手液一支要用一禮拜,唔好得個講字」Kiki聽完都似懂非懂咁,森美就直接Call out搵佢老公阿蕭喇,Kiki老公其實都知道太太情緒有問題:「佢最近有啲情緒化,同佢結咗婚兩年幾,都估到嘅。」森美就喺阿蕭面前大鬧Kiki話佢係港女,點知阿蕭好心疼護花,聽到都覺得Sweet,森美話:「叫你同老公道歉,你仲叫佢唔好鬧你,你老公肯要你真係三生有幸,你係個不折不扣嘅港女!」後尾呢個故事就變咗做Love story,兩公婆喺度曬恩愛,其實有情緒病唔緊要,最重要身邊有個支持你嘅人!



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。