【後生仔傾吓偈】馮盈盈疑有艷片流出：個女仔真係有幾分似我

最近有討論區嘅巴打喺網上面搵到條男女交歡嘅片，仲Cap咗張圖出嚟，話片中嘅女生係馮盈盈嚟，引咗好多手足「留名」同「推Post」。馮盈盈尋晚出席無綫節目《#後生仔傾吓偈》活動時，就指自己知道「影片流出」事件喺網絡上好Hit，佢接受訪問時仲咁樣講：「好多人都問，我係咪有條同男朋友拉筋嘅片出現，我自己就冇拍過條咁嘅片，好明顯係假嘅。點知我去睇，望一望截圖個女仔真係有幾分似我。我覺得世界真細小，人有相似。」之後佢就話自己搵返條Full Version嚟睇時，就發現片中個女仔明顯唔係佢嚟，亦都係得Cap圖個角度似自己：「睇下以後有冇啲危險動作，可以搵佢做替身，橫掂咁似大家又咁有興趣。」而筆者喺茫茫大海中搵到條片嚟睇，發現真係一啲都唔似FYY，淨係覺得FYY每次回應問題都好好笑，佢竟然將嗰一系列嘅動作稱為「拉筋」，真係愈嗒愈有味。