唔少藝人都趁住夏天降臨出去外遊，今日（14日）就見到麥明詩﹝Louisa﹞喺Facebook上載咗兩張性感相，圖中見到Louisa著住紅白間條性感bra top，仲大晒事業線同纖腰，加埋藍天白雲，靚人襯靚景。以為Louisa難得有假放就派福利，原來只係上郵輪拍攝特輯，佢自己都忍唔住搞笑留言寫道：「終極佛系假期，不搭飛機，不搬行李，不走走趯趯，不計畫行程，緣分到了，就自然有嘢睇有嘢玩有(東)西食有覺瞓有仔溝有相影。」