王浩信豪擲3千幾萬買樓送畀媽咪　做完孝順仔先再做廿四孝老公

王浩信 (Vincent) 近年備受無綫力捧，貴為一線小生的他今年更勇奪得視帝寶座，工作愈來愈忙的同時，錢當然也愈賺愈多啦。年前他已然透露有意置業買樓送畀老婆陳自瑤 (Yoyo)，目標是送層獨立屋畀老婆，並希望今年可以成事。今日就有消息指Vincent已經以港幣3306.6萬元購入清水灣傲瀧11座高層，實用面積1,837呎的B單位，呎價1.8萬元，屬新世界發展商旗下物業，今次亦是Vincent首次做業主。

Vincent接受電話訪問時亦大方承認確是買了樓，而這個單位更是他送畀他媽咪的禮物，成3千幾萬送畀媽咪，簡直就是現代孝順仔的典範呀！Vincent表示是因為之前同媽咪一齊去睇樓時，媽咪好鍾意該單位所以他才決定買的，真係好錫媽咪。最難得的是連Yoyo都贊成他買樓畀媽咪先，即使自己無份都完全無呷醋，呢個新抱認真唔話得。至於送畀老婆Yoyo的物業，Vincent就話要遲些先再買，他現在要繼續努力工作賺錢，等儲夠錢就買樓送畀老婆。