【冒險王衛斯理】華哥智破保險庫未算最膠 出埋獅哮功點夠你玩
撰文：鄺鈺瑩
出版：更新：
由余文樂主演、王晶監製的《冒險王衛斯理》自播出以來一直口碑平平，當中好多膠位相信只有王晶先會明白。就好似今集講到一班人為得到「法老王頭」而出盡法寶，飾演國際刑警元老級領導的白老大（任達華），打算進入內設有「微波防御系統」的保險庫，在門口在拒後，身後突然出現一字排開的下屬，並開槍射殺所有警員。到底呢班藏在白老大身後的下屬係識隱形，定係班警員盲？原來追劇真係唔可以駁劇……
「法老王頭」雖然被安放在設有高科技加密鎖的箱之中，但原來個箱就咁就可以拎起。（影片截圖）
其實在進行保險庫前，白老大就已知悉衛斯理所設計的「微波防御系統」有個好大的漏洞：系統雖然能將生物熱到溶解，但大量殺人後，需要半分鐘時間冷卻……衛斯理講到呢個係全球守衛最嚴密的保險庫，但點解呢個漏洞會咁易比人知道？結果，白老大趁呢半分鐘冷卻時間進入保險庫，眼見「法老王頭」在前，加上時間緊迫，一句「攞返去先」，飾演佢個仔嘅何浩文就原箱連鎖輕鬆拎走，簡直係神級編劇。
當保安要求搜身時，支離人已成功「進入」張秀文的裙底，到底係班保安盲定係支離人有透明功能？（影片截圖）
膠位一個接一個，衛斯理同白素舉行婚禮，現場保安嚴密，但林家棟呢位支離人為進入會場，不惜「拆件」將自己個頭碌入彩虹（張秀文）裙底！講緊係成個籃球咁大嘅人頭，周圍碌都可以無人發覺？編劇係純粹想製造笑位定想真心膠？
白老大的手下用撞車的方式攔截文凱玲，奇怪的是文凱玲被撞到流晒血，但白老大嘅手下就完好無缺。（影片截圖）
支離人林家棟個頭被白老大扣留，但佢一樣可以行動自如，呢幕英雄救英好好笑。（影片截圖）
彩虹同朱小寶（葉相明）追查「法老王頭」的下落，打算進入白老大屋企，不過，對方話晒都係國際刑警，加上又有成隊雇傭兵在手，要入屋當然唔可以就咁行入去咁簡單，於是朱小寶就拎住兩個類似吸盤的物體爬上樓！真係離譜到無朋友，搞咁多嘢點解唔直接跳傘或者撳門鐘？
拎住兩位吸盤就可以爬高樓大廈，朱小寶呢招就唔夠謝天華單手攀石勁啦。（影片截圖）
呢幕講朱小寶（葉相明）救衛斯理時，被對方用鎗要脅，結果佢使出一招獅哮功就搞掂對方……
劇中苑瓊丹經常都會使用獅哮功，而今集終於到佢個仔出招，話說小寶同彩虹赤手空拳去救衛斯理，結果好快就被發現，眼見彩虹被人用鎗指嚇，小寶竟然諗出使出獅哮功，敵方即時彈到老遠……二人亦好成功咁救出衛斯理同白素……《冒險王衛斯理》明明係成日都運用高科技，但偏偏喺呢個位就出動失傳已久嘅獅哮功，編劇又係無得輸。
+3