余香凝自爆曾患上抑鬱症 父母離婚打擊諗過做傻事
撰文：吳子生
出版：更新：
余香凝稍後會遠赴馬來西亞拍攝鬼戲（吳子生攝）
余香凝今日（6月4日）現身商台宣傳新歌《黑暗之愛》。香凝透露新歌係為身邊一位患了抑鬱症朋友而寫成的。
余香凝單親家庭中成長，18歲那年，爸爸同媽咪離婚，當時香凝患上抑鬱症，自覺得自己有問題，常常怪責自己，更一度諗過做傻事：「到最後一刻諗起媽咪，諗起錫自己嘅人，就打消個念頭，我先可以有機會同大家宣傳首新歌。」
余香凝曾患上抑鬱症（吳子生攝）
近來忙新歌宣傳之外，香凝將會遠赴馬來西亞拍攝鬼片，之後又要飛去台灣出席電影節《非同凡響》。工作咁忙會唔會少見男友陳家樂？香凝直言：「大家現在專心工作先囉，工作排第一，其他野排之後。」余香凝與陳家樂拍拖3年，經常被周刊影到出雙入對，更在港鐵車站內親熱，有否結婚打算？香凝表現驚訝：「⋯⋯⋯⋯大家都係畀心機工作先，所以唔係咁，我係咪答得好差呀？」
+2