馬國明同崔始源點揀？ 黃心穎表白：我揀馬生！
撰文：郭芷晴
出版：更新：
昨日(14日)，黃心穎出席Chanel新錶展覽會，更和韓國型男崔始源一齊欣賞腕錶。見到男神，心穎亦情不自禁「心心眼」，大讚崔始源為人親切，夠gentleman。不過如果崔始源同馬明二揀一呢？心穎即靦腆話「我揀馬生!」仲一臉冧笑，真係sweet到漏！
崔始源同馬明呢條世紀選擇題，對心穎黎講卻毫無難度！（梁碧玲攝）
另外原來心穎都係Chanel小粉絲，鐘意收藏腕錶，「我覺得一隻小小嘅錶能夠話我知時間，係一個好奇妙嘅設計。」而心穎去年父親節亦送了腕錶給父親。但今年則會改送電視機，因為家中電視機壞了令父親要到茶餐廳追看《深宮計》。咁又會唔會約埋馬明一家食飯？「父親節個日我要開工，睇下遲啲有冇時間補祝。」
心穎原來係Chanel小粉絲。（梁碧玲攝）
《深宮計》已播至中段，劇情將慢慢進入高潮，心穎亦指自己和馬明條故事線都會進入「戲玉」。「（同馬明一齊拍戲會唔會容易啲？) 其實都唔會，因為我地角色設定同我地平時性格唔同，但同一個相熟嘅人對戲係輕鬆啲。」咁就要期待下甘若芊同任三恕之後嘅發展啦！
心穎會買電視機送俾父親，兩父女可以一齊睇《深宮計》。（梁碧玲攝）