【美女廚房】單文柔唔知TVB禁美女學徒影水著：形象健康就OK

《美女廚房》播出已有3集，雖然首集口碑未夠理想，又被批評一班美女學徒只能當佈景板，又有網民表示節目鋪排沒特色等等，甚多負評，不過所幸第二集開始收視就逐漸上升回穩至21.6點。

最近有消息指TVB發出限制令禁止「美女學徒」以水著接受媒體專訪。「美女學徒」之一的單文柔（Phoebe）今日（6月18日）接受《香港01》訪問時，就表示並未收過有關通知。「呢個真係冇聽過，係咪學徒之間都知，係得我一個唔知？」如果真的有美女學徒「禁色令」，又會否有影響呢？單文柔笑言：「我都係睇公司安排，（訪問前）會問咗經理人先嘅。撇除公司（考慮），我覺得形象健康嘅話都ok㗎。」單文柔也表示，打算今個夏天去遊船河之餘順便「派福利」給網民。「我之前都約咗Tiffany（劉穎鏇）去遊船河，但係約極都夾唔到時間，如果唔係就開始開心狂玩一餐。」