樂瞳上載泳照派福利　邊個幫佢揸機影三點式靚相？

近年愈來愈TVB藝人選擇向外闖，有啲會北上搵真銀，有啲可能轉作自由身喺更多唔同媒體曝光。年初播出嘅《平安谷之詭谷傳說》，係樂瞳喺TVB嘅最後一套劇集，戲中牛屎妹又黑又醜一改觀眾對佢嘅印象。離巢後除咗到奇妙電視同亞視擔任主持外，樂瞳仲不時外遊拍旅遊節目放上網，同大家分享，最近佢同家人到布吉旅行，陽光與海灘當前，當然要影多啲靚相啦﹗

上星期樂瞳帶住父母細佬，一家四口到泰國布吉旅行，見到佢地不停食買玩相當興奮，仲BOOK左一間靚靚Villa，夜晚齊齊睇世界盃，日頭就緊係同陽光玩遊戲啦。見到樂瞳呢日分享一張企喺池邊嘅相，著住綠色比堅尼回眸相當煞食，留言話：「瞳屋企人遊布吉ep2 尚在整理中，先看看我媽媽給我拍的大作﹗攝影技術進步了很多。」原來呢張泳照係auntie掌鏡，影得相當唔錯喎﹗樂瞳每次出遊都會影落大量靚相分享，一齊同大家重溫一下啦。