蔡卓妍傳明年初下嫁石恆聰 阿Sa嬲豬回應：婚姻大事嘅嘢我有分數
撰文：洪曉璇
出版：更新：
大家都應該好希望見到阿Sa出嫁嘅一日。（蔡卓妍IG）
+1
見到好姐妹出嫁，就會令自己恨嫁的心蠢蠢欲動？當事人未必會諗，但身邊人肯定會乘機問下：「幾時到你先？」阿嬌鍾欣潼今年5月於美國舉行婚禮，下嫁醫生男友賴弘國，阿嬌仲親手將花球送到好姐妹蔡卓妍手上。呢日傳出阿sa同百億富二代男友石恆聰（Anthony）有意明年底拉埋天窗，「準新娘」呢日就喺IG親自回應婚訊。
阿Sa男友石恆聰。（視覺中國）
自拍拖以來，阿Sa雖然表明希望低調處理感情事，但早已融入對方生活圈子，不時與對方嘅好友家人聚會。呢日傳出佢地有意明年底結婚消息後，阿Sa雖已向傳媒否認婚訊，但始乎仍有好多朋友向佢本人查證，攪到阿Sa要化身「妍妃」回應：「我，蔡阿Sa，天生脾氣暴躁，不好惹，誰要是再唧唧歪歪，我有的是法子對付她。」
阿Sa於IG親自回應婚訊。（蔡卓妍IG）
阿Sa仲喺Hashtag嬲豬聲言：「邊個再send呢單新聞嚟阻住我煲延禧攻略就對付佢，婚姻大事嘅嘢我有分數，唔輪到你哋同我作主。」原來因為阿Sa難得正在煲《延禧攻略》，「好難得唔使開工可以喺屋企煲劇，點知俾你班人嘈住晒。」大家都係唔好阻妍妃煲劇啦，有喜訊自然會出聖旨公告天下。
原來大家向佢求証婚訊，阻住妍妃追劇呀。（蔡卓妍IG）