蔡思貝告別傻大姐形象 賴慰玲預告剪短髮拍新劇
撰文：郭敏玲
出版：更新：
蔡思貝與黎諾懿玩起遊戲上嚟都幾合拍喎。（郭敏玲攝）
蔡思貝（Sisley）及賴慰玲（Winki）出席新劇《純熟意外》的宣傳活動，問到蔡思貝最近頻頻曝光，會否怕網民又有說話講？她大方回應：「今次的角色跟以往不同，會更加成熟，之前都是做開傻更更的角色，都想給予觀眾見到我不同的一面。而且劇集都好有驚喜，希望大家可以留意劇情，因為集集都有好多細緻位。」思貝最希望觀眾可以見到她的進步和用心。
至於最近思貝在《星星探親團》中，其表現獲讚夠真，被封為「香港妹」，她坦言自己很用心去拍這個節目，「如果用旅遊節目角度去拍，就唔會咁好睇，我都好希望在節目中，以個人經歷，去表達自己內心的想法。（會否認為這個節目可以令自己大翻身？）又唔係嘅，都只係希望大家加深對我的了解。」
賴慰玲最近產量甚多，套套都同勁人合作。（郭敏玲攝）
至於賴慰玲最近曝光率同樣甚高，她表示今次是飾演成熟的Madam，而她每次參與的劇集都必定會有重量級人馬，「係囉，我自己好開心呀，之前《殭》就有阿Kay（謝安琪），之後拍《與諜同謀》就同撈家（羅嘉良），依家又有啟華哥，雖然對手戲唔多，但我有時無自己戲份的時候，都會落一落去，看看前輩做戲。」她坦言《純》提早出街有點驚喜，亦透露了即將會為新劇《迷》剪短髮，大呼不捨又期待。