【美女廚房】於深水埗遭蓄意撞胸抽水 陳晨：個胸好痛
撰文：吳子生
出版：更新：
無綫節目《美女廚房》美女學徒陳晨（Elsie）今晚出席銅鑼灣舉行《千人傷健跳繩世界紀錄》活動。Elsie表示：「今晚可以同成千人一齊跳繩做創舉，覺得好榮幸，自己本身都有做開運動，所以唔覺得好攰。」
Elsie表示睇住食譜煮餸一定唔會出錯，可能煮出嚟仲好美味。（黃國立攝）
《美女廚房》一班美女學徒，有幸在節目中大顯廚藝，對Elsie來說相當有挑戰。「要我煮嘢食非常有難道，因為自己本身煮嘢食唔係好叻，所以為咗呢個節目我係有準備過，我試過煮意大利麵俾Daddy媽咪食，可能煮完之後太過重口味，佢地食完後肚痛，仲話以後都唔敢食。」樣靚身材勁的Elsie透露行街的時候，遇過被人蓄意撞胸抽水氣憤難平：「有次我喺深水埗電腦商場嗰條街行梗，迎面有個男人突然起住手踭撞落我個胸度，當時避都避唔到，只係知道個胸好痛，經過呢次之後，我每次行街都會提高警覺。」
Elsie被人蓄意撞胸後，每次出街都會高度戒備。（黃國立攝）