【一個因去跳舞】趙希洛為好姐妹黃智雯撐場 望可一齊拍節目
撰文：葉詩
出版：更新：
《一個因去跳舞》今日（10日）舉行記者會，趙希洛為支持好姐妹黃智雯亦現身撐場，二人更表演了藝員訓練班畢業時一起跳過的舞蹈，默契十足，可見這對十多年的閨蜜彼此之間情深不減。
趙希洛笑言黃智雯不會照顧自己。（陳順禎攝）
對於黃智雯獨自前往韓國當練習生，趙希洛表示十分擔心：「其實不知幾想佢帶埋我去，去支持吓佢，不過就要佢包機票食宿！」。但講到一同挑戰舞蹈，趙希洛則耍手擰頭：「唔使喇！因為見到啲舞難度好高，佢（黃智雯）都話好辛苦。佢有俾片我睇，佢話係要即刻學、即刻跳，表演返出嚟。It’s not easy. It looks quite tough. 但我對佢好有信心，佢係會做得到！」
趙希洛和黃智雯高峰時一日會傾兩至三小時電話，無所不談，傾起來便忘記了時間。（陳順禎攝）
二人之間深厚的友誼人盡皆知，趙希洛就提到她們私下也會一起去旅行，彼此都會互相照顧，更會因帶唔帶遮這種小事而有小分歧，相信這是她們之間的相處之道。趙希洛又希望她們二人可一起拍個節目，出走倫敦或紐約挑戰一下舞台劇也不錯。
+5