范姜明月曾參演後父投資嘅三級片 現移居日本做大學生
撰文：鄺鈺瑩
出版：更新：
楊嘉雯雖然一直半紅不黑，但當年家住大埔淺月灣豪宅嘅佢根本不愁生活。（Lunar Franklein FB圖片)
甫出道以性感打扮上位、又拍過幾齣賣肉電影嘅女星楊嘉雯(又名范姜明月)，自05年拍畢電影《大阪摔角飯店》後，漸漸退出娛樂圈。楊嘉雯近年移居日本，本身家底豐厚嘅佢，除打golf、扮靚過日子外，原來仲報讀咗大阪女學院大學，日前佢終於完成兩年制嘅英語課程，趕及喺40歲前得到畢業證書，佢喺fb發文表示:「still have to work hard to complete my university degree」似乎打算繼續進修。
楊嘉雯首部作品《色降Ⅱ之萬里驅魔》由其後父投資，同戲仲有翁虹同徐錦江。（DVD圖片)
今年39歲嘅楊嘉雯(又名范姜明月)已經係大學生。(Lunar Franklein fb圖片）
98年出道嘅楊嘉雯，其處女作《色降Ⅱ之萬里驅魔》由其後父投資，擁有37G導彈身材嘅佢影過唔少性感相、亦拍過好幾齣三級電影，言論亦非常出位，可惜色運同名氣都非常一般，其後佢曾改名范姜明月（ 法文名稱Luna Franklein，范姜乃其生父姓氏），並與兩名日本人組成樂隊「 涉谷縱橫」， 轉戰樂壇。
剛完成大阪女學院大學英語課程嘅佢，準備再挑戰文憑學位。（Lunar Franklein FB圖片)
性感無底線嘅楊嘉雯，當年除被影到喺酒店密會王晶之外，又多次與曾志偉傳出緋聞，事關當年曾志偉除為佢搭路到日本發展外，又特地欽點楊嘉雯出演節目《水着獎門人》，而佢喺節目中嘅「瞓身」表現，令唔少人為之側目。
楊嘉雯報讀嘅大阪女學院大學，只得英語課程，並且分為兩年同四年制。（Lunar Franklein FB圖片)
即時回顧楊嘉雯(又名范姜明月)嘅作品
+2