【多圖】邵珮詩騷水着網友「求正面」 應要求後有人竟「錯重點」

撰文:
最後更新日期:

前港姐冠軍邵珮詩(Veronica)日前到海灘享受陽光,更在網上貼出一張水着照,不過大部份網友睇完都覺得未夠喉,全因為相中的邵珮詩僅騷出美背:「求正面」、「正面Please」、「不如轉過身畀大家睇下」。

而邵珮詩亦聽到一眾網友的聲音,所以今日(13/8)都非常識做,貼出比堅尼正面相,更寫道:「If only we were less emotional, & more mindful of our actions as a global human race.(作為全球人類一員,要是我們可以少一些衝動,多一點關注自己行動的話)」有意思的句子只是錦上添花,而大部份的網友都是將注意力放在她的Fit爆身材上,不少人忍不住大讚她「女神」、「性感」,更有人指她的「肚腩仔」恰到好處:「攬都舒服好多」,而邵珮詩亦都好大方回應「踩」她有小肚肚的言論:「everyone’s got to eat ya know(每個人都要食嘢嘅)」,非常搞笑。

邵珮詩接受《香港01》訪問時便笑指自己並非有求必應:「如果真係就一早Post咗出嚟啦,我都係隔咗幾日先Post第二張。」談到今次大派福利,她便指自己身份有變,所以都想貼多啲感覺自然的靚相:「而家做咗瑜伽老師,想影啲自然嘅Shot,其實我個重點係放喺我哋要感覺自在放鬆同埋個Caption度,希望可以畀多啲正能量大家,即係即使個世界係咁,忠於自己就係最重要嘅事。(有網友話你有肚腩仔!)其實個唔係個個靚仔都有六嚿腹肌,亦唔係個個女仔身形都係一樣或者完美,要記住每個人都係獨特,唔使對自己咁大壓力!」

點擊下圖觀看邵珮詩泳衣照正面相及其他Instagram靚相:

+15
+14
+13

邵珮詩坦言以瑜伽老師為副業,是因為瑜伽令她更樂觀、更自信:「之前成日感覺自己好似爭緊啲嘢咁,好好彩認識到一啲好好嘅瑜伽老師,令我搵返自己嘅『中心點』,希望大家都可以搵到一樣嘢,唔一定係瑜伽,去平穩返自己嘅生活。」(Instagram/@veronxyoga)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。