社會不穩定經濟受影響  林芊妤勉勵港人:珍惜同家人相聚時刻

撰文:
最後更新日期:

林芊妤(Coffee)今日(17/9)現身尖沙咀,出席網上格價平台主辦的第一屆精明消費之選2019頒獎典禮。Coffee笑言:「以往去行街買嘢,見到乜就會買,因為冇時間去格下價錢,就衝住要買,買咗返去就畀屋企人鬧,問我點解買貴咗成倍價錢,之後發覺自己做咗「水魚」,所以一個好嘅格價網站都好重要。」

Coffee透露媽咪都想唔做生意,想專心湊孫為樂。(葉志明攝)

提到經濟前景不穩定,Coffee勉勵港人不必太過灰心:「媽咪同自己嘅生意都有啲影響,我覺得做生意有時候,都會有好同差嘅時候,如果真係唔好嘅時候,又唔使日日都覺得咁灰心,其實可以喺呢個時間做其他嘢,就好似我屋企人嘅生意喺灣仔,生意又唔好,自己又少接嘢做,反而我哋趁呢個時候,大家多咗時間見面,珍惜同家人相聚嘅時刻。」

Coffee表示囝囝近日確診患上玫瑰疹,全家人都非常擔心,幸好漸漸康復中。(葉志明攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。