【多圖】「台灣最美空姐」林巧評落海一樣掂　水着坐貨車尾惹哄動

獲封為「台灣最美空姐」的林巧評曾在綜藝節目亮相，亦不時在網上大曬靚相，現今IG已經吸引超過16萬粉絲。雖然林巧評因工作關係經常周圍飛，但原來佢對海洋亦情有獨鍾，唔止係去沙灘游下水，仲經常約埋三五知己一齊出海潛水，早前佢仲考埋個正式嘅潛水牌添！而今日（28日）林巧評又喺IG分享咗一條唔知係潛水前定潛水之後坐貨車車尾嘅片，可能係架車搖得太勁嘅關係，搞到坐喺車尾嘅林巧評坐唔穩扑咗向前，加上貨車車尾又冇遮冇擋，望落又真係幾牙煙㗎！不過，向前扑嘅林巧評面對鏡頭依然笑容滿面，可愛指數爆晒燈，短片喺短短7個小時就已經超越5萬觀看次數，仲有好多粉絲爭住留言讚好！

林巧評真係好鍾意玩水上活動：