慳妹衛詩雅全屋新傢俬自己裝嵌：最難裝係衣櫃
撰文：吳子生
出版：更新：
衛詩雅（Michelle）昨晚（29/10）出席在金鐘舉行的第16屆香港亞洲電影節，為有份演出的電影《長洲包山王》站台宣傳。Michelle一向有「慳妹」之稱，最近從內地網站訂購傢俬為新居添置，為了慳得一蚊得一蚊，免搵人裝嵌，實行大顯身手砌傢俬，並將過程上載到社交平台。
Michelle從不同地方訂購新傢俬為新居添置。（葉志明攝）
Michelle認為幫自己新居傢俬親手裝嵌，份外覺得有滿足感。（葉志明攝）
對此Michelle就話：「其實全間屋嘅傢俬我用咗唔使兩萬蚊買，真係又平又靚，全屋傢俬我都有份嵌，將床最易嵌，但衣櫃就最難嵌，不過好彩有非常犀利嘅木工嘅爸爸同姐夫幫手，其實大部分都係佢兩個幫我嘅，如果冇佢哋我真係搞唔掂，不過其中有一個櫃桶係自己裝嘅，都砌咗都成個鐘先完，原來發覺自己都幾勁，其實可以開公司幫人嵌傢俬。」
Michelle透露全屋傢俬用了不足兩萬元購置。（葉志明攝）
Michelle現身出席第16屆香港亞洲電影節2019影壇盛事。（葉志明攝）