陳展鵬唱《Monica》網絡瘋傳 網民激讚洗腦程度超越張國榮

撰文:
最後更新日期:

無綫視帝陳展鵬除咗係演技了得之外,一向都多才多藝,除咗經常出商場Show會獻吓喉之外,2017年嘅《萬千星輝賀台慶》入面,仲表演過一次違反地心吸力嘅「倒轉打鼓」,當時都引起咗唔少話題㗎,而最近展鵬又再一次掀起網絡熱話!近日有一段展鵬唱張國榮名曲《Monica》嘅短片就喺網上瘋傳,片入面展鵬嘅唱功都唔錯,仲玩即興改歌詞,將原本的「Monica」改為「陳展鵬」,即「Thanks~thanks~thanks~thanks~陳展鵬~WOO!」網友對於這個改動讚口不絕,紛紛大讚洗腦,更有網民表示聽完展鵬這段片之後,已經不能再聽原版。

聽吓展鵬嘅版本:

最緊要係大家開心啫

展鵬接受《香港01》記者訪問時表示這是早前內地粉絲為他舉辦的生日會:「因為我啲粉絲都同我一樣好鍾意張國榮,同埋等佢哋平時唔需要淨係喺啲騷度,或者係商場活動先聽到我唱歌,佢哋鍾意聽咩我就唱。我記得《Monica》係佢哋強烈要求我唱嘅,至於點解『Monica』會變陳展鵬,佢哋就喺台下面嗌『陳展鵬』,可能佢哋想𠱁我開心啦,咁我就跟住佢哋唱『陳展鵬』。其實如果係能夠帶畀人歡樂嘅,我都唔介意自己喺咩位置嘅,最緊要係大家開心啫!總之大家係笑出嚟,唔理係咩元素,咁都算係喜劇元素吖!」展鵬更笑言今次自己的演唱能夠受到大家關注,更啟發到自己演喜劇方向!

其實展鵬嘅造型亦都係網民最鍾意留意嘅點:

+8
+7
+6

展鵬呢招360度旋轉倒吊打鼓,勁呀!(資料圖片)

展鵬呢招360度旋轉倒吊打鼓,勁呀!(資料圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。