細細粒懷舊造型現身內地綜藝 被嘲「與脂肪有個約會」
撰文：鄺鈺瑩
出版：更新：
細細粒呢個look又幾正喎。
向來都好唱得嘅細細粒（陳嘉佳），日前為內地綜藝節目《嗨唱轉起來》時，以一身懷舊打扮獻唱《梅蘭梅蘭我愛你》以及《東方之珠》，肥嘟嘟嘅佢不時扭身扭勢，連客席嘉賓張信哲、胡杏兒都忍唔住大叫「 真的太可愛了」！由於細細粒唱得出色，加上成功炒熱現場氣氛，最終以獲得全場超過八成支持率順利過關。
張信哲同胡杏兒都好驚喜。
細細粒表示為了今次錄影帶，早在半個月前開始排練，連發夢都同唱歌有關：「因為我想大家唔好覺得我淨係識得搞笑、搞搞震，同埋做運動做到嚇死人，其實我都可以認真MODE，同埋真係好鍾意唱歌。今次有咁嘅機會上台表演吓，我當然要好好準備，唔好又嚇親大家啦。」細細粒又指是次工作為她帶來額外驚喜：「就係我冇諗過自己原來咁肥都可以咁靚架喎，哈哈哈！同事話我呢個造型係參照萬綺雯喺《我和春天有個約會》嘅角色藍鳳萍嚟整嘅，因為我從來冇試過咁整頭同咁著衫，我自己照鏡時都覺得驚䒐，覺得我以後可以整多啲懷舊打扮，等觀眾朋友多啲新鮮感。但啲工作人員就好衰咯，不斷話自己同『我和脂肪有個約會』，都唔知好嬲定好笑。」
好受觀眾歡迎。
《01最賞睇娛樂大獎》「最有話題新聞」包括我最喜愛男歌手、車廂偷食等統統上榜！立即投票贏取超過70萬元豐富獎品，包括終極大獎旗艦手機11 Pro Max，同埋01積分等。