鄧月平將參演陳果導演新作 開工前赴北京探親玩貓狗顯愛心

撰文:
最後更新日期:

Larine早前趁開工前夕去北京探親,順道遊覽 798 藝術區。

鄧月平(Larine)早前趁開工前夕去北京探親,順道相約當地朋友見面。雖然過往曾北上,但未試過好好品嘗美食,故此行佢專程去吃燒烤、火鍋及川菜,又遊覽 798 藝術區,影咗無數靚相,極之滿足。

Larine 對玩貓非常熟手,氹到啲貓喺佢身邊爬來爬去。

Larine 本身有養貓狗,今次上京佢亦去咗寵物店,當中貓店內嘅無毛貓更特別引起佢注意,而 Larine 對玩貓非常熟手,氹到啲貓喺佢身邊爬來爬去;至於去狗店嘅時候,Larine 面對超過三十隻強而有力嘅雪橇犬,儼如馴狗師一樣,氹得狗狗們乖乖任舞。

Larine 面對大大隻雪橇犬一樣氹得掂。

回港後,Larine 即隨投入拍攝工作,並接咗ViuTV煮食節目《辣伙頭》,而佢參演陳果導演新作《墮胎師》亦於聖誕前上映特別場,稍後將進行宣傳,另外亦要為新一年的工作開始準備。對於新一年Larine表示,「回望自己長大了不少,對於自己演繹角色也比以前拿捏得更好,未來展望世界和平,在事業上有突破。」

見到咁可愛嘅狗仔,忍唔住扮鬼臉合照



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。