【黃金有罪】姚子羚透露敏晶揀邊個 自己追求細水長流嘅愛情
撰文：張嘉敏
出版：更新：
姚子羚在無綫劇集《黃金有罪》入面飾演水敏晶一角，周璇於張兆輝飾演的木桐，以及蕭正楠飾演的永進之間。問到子羚可否劇透一下敏晶最終會揀邊個，她說：「一定係型仔啲嗰個，晶晶本身都鍾意成熟穩重啲嘅，其實落雨送遮嗰場戲已經交代咗晶晶會揀邊個，木桐雨中送暖令佢覺得好感動，雖然永進都有走去送遮，但係遲咗一步。」而子羚自己卻會選擇永進：「同永進一齊係平淡但細水長流嘅，佢會默默守護我，對我不離不棄，淨係想我開心，呢份愛係我想要嘅。」
姚子羚話佢自己會揀永進（蕭正楠飾）。（陳志嵐攝）
子羚又大讚輝哥和阿蕭兩人都現實生活中都是很好的男人：「兩個都好好，好錫另一半，阿蕭會下廚煮飯畀老婆食，輝哥係一個Family man。」而她自己也曾試過同時有兩個追求者：「都係食下飯，試下邊個啱啲，如果性格文靜啲嘅，個人就會踏實，性格Funny啲嘅就會貪玩啲。我而家係追求細水長流，平淡是福嘅愛情。」