【今日疫情】長者去醫院覆診又怕高危？　高級護士教你如何處理

新型冠狀病毒疫情（又稱武漢肺炎）持續，當中又以男性及年長人士較多，早前更有一名患認知障礙症嘅老翁，喺接受強制隔離期間，坐巴士外出。到底有咩辦法可以幫助長者抗疫呢？《今日疫情》嘉賓高級護士長鄭小慧表示，喺非常時間，長者如果要去晨運、或者人流較少嘅活動其實係可以。提到長者覆診問題，她表示家人可以致電診所，護士可決定長者是否必須覆診。「如果怕去醫院高危，而去藥房配藥我哋其實阻止唔到，但最好去有合資格藥劑師嘅藥房。」

有網民問到好難勸長者戴口罩，鄭護士認為只要有充足嘅溝通，應該問題不大。「其實叫有腦退化嘅長者戴口罩係更難，好多戴一陣就會除，但我覺得唔需要勉強去做，只要唔可比佢去人多嘅地方。同埋亦無謂同對方爭執，因為佢真係唔記得。」另外，她亦提到長者接受資訊較慢，家人喺非常時期更應多與對方溝通。