【後生仔傾吓偈 】推「青年過渡豪宅」助上車 搞手:爭個有心人
撰文:鄺鈺瑩
出版:更新:
去年喺報紙、電視以千萬「懸賞」,徵集香港出路嘅「千萬求一路」創辦人東華三院總理莊紫祥,現身《#後生仔傾吓偈 》同一班後生仔解釋下拯救香港年輕人嘅大計,以及30萬個「青年過渡豪宅」到底幾時落成。節目一開首,莊紫祥提到自己年輕時因受過長輩照顧,所以就算而家自己唔算好有錢,但都希望「為香港呢班寶貝年輕人做啲嘢」。
嘅總決賽上月已舉行,10強中有3個方案以「青年」為主題,例如「青年為本,創出新將來」,亦有主打「科技」,例如「舊智慧,新設計,創時勢」。之不過,到底嬴出嘅方案係未會有資金去實行呢?莊紫祥就話:「方案可行性要再探討,如果得到各界支持我哋就會做。佢仲話自己只不過係星斗市民,最終能否執行都係要睇政府……節目中,有後生仔質疑莊紫祥藉「千萬求一路」宣傳自我,多過想幫年輕人,佢就好謙虛咁話:「如果我可以選擇,我想比較低調生活。」
莊紫祥又話其實除咗「千萬求一路」外,仲有PLAN B--「青年過渡豪宅」。概念係讓年輕人用成本價「買」樓,月供三、四千元,最長可居住10年,退場時「賣」與下一手業主,莊紫祥仲話目標係起30萬個。成件事好似好理想咁,但首先係要有有心人願意借出土地,再要有有心人去興建,由於借出土地之後,令到原來嘅農地可以改變其用途,所以莊紫祥認為會有唔少有心人求佢使用其土地。有後生仔聽到之後,問到「青年過渡豪宅」最難實行嘅地方是什麼,莊紫祥話:「爭個有心人囉。」唔係話大把人求佢咩?莊紫祥話:「其實係有無人去做囉,我係星斗市民,唔係我可以決定。」亦有後生仔提出申請公屋雖然時間長,但似乎更實際,莊紫祥就話:「我自己覺得公屋居住環境係差啲,係比真係有需要嘅人去住,如果你係香港年輕人要有幹勁,去擔起香港未來呢個責任,比佢哋嘅屋要比好啲。」
完美「青年過渡豪宅」論逐格睇
+39