羅志祥上載紅色按鈕圖片 疑似再發功：如果2020可以重來……
撰文：鄺鈺瑩
出版：更新：
羅志祥於520真情告白，但至今周揚青未有任何回應，只係以微博小號回覆網友話自己約咗朋友下午茶。
羅志祥於520寫下7000字長文，細數同周揚青嘅甜蜜事跡，但唔少網民認為羅志祥咁做只為重新建立人設、又或者係為復出鋪路，仲笑佢40歲人好意思稱自己做男孩。其實自從羅志祥返台灣之後，一直都進行家居隔離，距離出關日子仲有2日，羅志祥今午在IG動態先係上載咗一張紅色按鈕嘅圖片，並配以「if you could restart would you press it」。唔知真係會以為佢又想挽回感情。
今日喺IG動態宣傳自家品牌新貨…之不過呢句說話係未另有暗示呢?只有羅志祥本人先會知道。(showlo@IG圖片)
不過羅志祥之後連發張照片都係其品牌GOTNOFEARS嘅新貨，其中一張配上文字:「「世事無常，誰能預料2020一場疫情改變了這個世界，不管是天災還是人禍，2020是讓人類停下腳步的一年，是考驗人性和反省的一年，假如時間真的能倒轉重來，一個時光機的按鈕近在眼前，不管按下與否都需要無懼的勇氣，無論世界如何多變，不要讓恐懼影響你的信念，請相信，明天會更好，Stay safe Got No Fears.」原來係其品牌將有新品推出……之不過，羅志祥如今形象插水，唔知會唔會對其自家品牌造成影響呢？！
雖然全面停車，但品牌仍然運作。（showlo@ig圖片)
+7