林文龍自爆剛入無綫勁辛酸 月入三千養家:每日都食唔飽

撰文:
最後更新日期:

林文龍話當年屋企管教十分嚴格,中學時朋友約喺五支旗桿等,佢竟然唔知五支旗桿喺邊。(影片截圖)

有線電視近期頻頻喺YouTube頻道上載昔日喺電影播放過嘅節目,當中喺2015時由資深傳媒人汪曼玲主持嘅清談節目《星級會客室》就係其中一個。節目其中一集有林文龍做嘉賓,他提到自己87年參加超級新星選舉後加入無綫,並報讀了第十四期藝員訓練班,同期仲有郭富城。林文龍表示當時家住鴨脷洲,每日一早起身巴士、地鐵再穿梭巴士先返到電視城,由於只得車馬費,所以每日都食唔飽。「於是同Canteen老闆稱兄道弟,就係為咗佢俾多碗白飯我,因為食一個午餐唔飽,但又無能力再買多一個,嗰段日子就係咁過。」林文龍表示日子雖然過得辛苦,但仍然係感覺開心。

因為登台關係,所以林文龍喺大馬識咗好多朋友,之後一齊投資開餐廳,可惜一年唔夠就執咗。(影片截圖)

完成訓練班後,林文龍大概有兩年時間唔係做衙差就係做打手甲乙,一句對白都無。「失望?無,因為野心唔大,嗰時一個月有三千,當然唔夠用,我比一半做家用。我記得第一份約係簽三年,大概到兩年幾時,有人搵我拍單元劇做男二,之後開始多少少人留意林文龍,不過後來續約都無好嘅offer,最多可能都係加一、二百元。不過其實我算叫多機會,入行三年左右就上咗位做到主角。」野心唔大嘅林文龍,相信連佢自己都估唔到今日會成為亞視CEO。

林文龍20歲時加入無綫。(影片截圖)

+22
+21
+20


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。