石詠莉《美女廚房》後再遇周中　質問嚴崇天叫極唔上門「痴飯食」

當年TVB嘅綜藝節目《美女廚房》，除咗一班美女地獄廚神令人印象深刻，擔任評判嘅周中師傅，亦因為風趣評論，迅速入屋為港人熟悉。最近佢轉型做YouTuber，孖前有線主播嚴崇天拍攝煮食節目《周中廚房》教大家煮兩味，最新一集錄影，就請嚟當年喺《美女廚房》碰過面嘅石詠莉！

當年Sukie煮嘅食物，被笑煮得好鹹係地獄廚神，佢話：「當年其實我無真係落手整，只係幫手切嘢，唔算地獄廚神啦。」而且Sukie做咗人妻後不時有下廚，仲話老公鄧健泓對食物相當有要求：「佢真係好高要求，令我嘅廚藝都突飛猛進，而且勁鍾意食肉成個食肉獸咁！」仲笑言曾多次邀請主持嚴祟天上門「痴飯食」都未見蹤影，唔知係無記性定唔敢試佢手勢。