蔡思貝首剖白與麥秋成一段情　相識經過分手原因全公開

蔡思貝日前接受商台節目主持梁泰來訪問，首度公開與前度麥秋成的相識經過，以及大談兩人分手原因。蔡思貝大讚前男友是好男人，而兩人是在聖誕節期間認識：「初入行喺Studio影完雜誌相，化妝師朋友請我留低參加聖誕派對認識。佢走進來同我傾偈，好浪漫咁講：『喺整個場合只睇到我一個人！』我哋係做咗九個月朋友先開始拍拖，分開係因為他想穩定，要照顧我，而我剛剛入咗呢個夢想嘅演藝行業，唔想咁快穩定，大家追求唔一樣。」她又指兩人仍然好朋友，間中有聯絡。

提到蔡思貝入行以來緋聞多籮籮，除了麥秋成之外，洪永城、王浩信、張振朗、余德丞和胡鴻鈞統統被指是裙下之臣，她坦言回港發展後只曾與麥秋成拍過拖：「其餘都是好朋友、好拍檔，如果大家心水清，胡鴻鈞當年有和我一起演《衝線》，我、余德丞同佢經常三人一齊吃飯！」她又強調自己現時仍然單身。

點擊下圖觀看蔡思貝IG靚相：