劉佩玥唔想再講馮盈盈江嘉敏不和：我覺得係時候停一停!
撰文：林通賢
出版：更新：
劉佩玥今日出席新劇《逆襲人生》造型記者會，今次她飾演失婚港女，亦是黑幫頭子的女兒，性格非常我行我素，她說：「同我以往的角色好唔同，以前我嘅角色都係好開心嘅，呢個角色係外表好堅強，成日鬧人其實掩飾自己的不安，對我嚟講係幾難演，一個新挑戰。」
劉佩玥表示同馮盈盈江嘉敏都是好朋友。(陳順禎攝)
而最近劉佩玥兩位好友馮盈盈同江嘉敏鬧出不和傳聞，更指她為避開馮盈盈而同苟芸慧做好朋友：「我覺得苟姑娘好慘，影咗張相放上網就傳出呢個新聞，我覺得好好笑，其實我都有擺好多相上社交網絡，其他就唔講，唯獨呢段時間就攞一張嚟講，我覺得唔駛太穿鑿附會囉，但如果關於盈盈同江嘉敏我就唔會再評論，之前我都講咗，要講嘅佢自己都會講，但我覺得係時候要停一停喇，因為我覺得呢段嘢太悶喇，不如算啦，傳其他嘢啦，哈哈。我同佢兩個係friend嚟嘅，但佢兩個嘅嘢,我就會覺得，佢哋兩個自己去講囉。」
劉佩玥近半年開始食素，清減了不少亦很精神。(陳順禎攝)