早霸王|男聽眾坐完7年剛出獄 感激老婆養大乖女:今次教訓好大

撰文:
最後更新日期:

男聽眾表示在獄中時,只有假期先可以全日聽收音機。(影片截圖)

最新一集 《早霸王》嘅「你知道唔知道有人掛住你」,又係一個感人的故事。男聽眾阿華致電表示想感謝太太過去七年為佢所做嘅一齊,點解會係七年呢?阿華說:「我哋結婚十年,但有七年係分開,因為我喺監房,臨入去之前,我個女剛剛出世。」阿華表示,知道自己要入獄時,都曾經提議老婆唔好等自己:「我叫佢放低個囡比我媽媽湊架。(如果佢當時真係走咗,你會唔會怨?)唔會,因為佢始終都係個女嘅媽媽,我當佢屋企人。」

男聽眾當年喺朋友聚會中識到太太,佢仲話:「太太係第三者 不過唔關佢事」

阿華入獄之後,老婆一個人撐起整頭家足足七年,實在不容易,難怪阿華表示非常感激,仲話想好好保護對方。「今次教訓真係好大,你話如果一兩年的話,可能好快打回原形,但七年真係好大改變,諗嘢長遠同實際啲。」森美問到,會唔會係剛出獄關係,所以好話盡講,阿華就十分堅定表示自己真係受咗好大教訓,仲以譚詠麟《一生中最愛》當中嘅歌詞「寧願一生都不說話 都不想講假說話欺騙你」以表自己嘅真摰。

男聽眾希望可以慢慢償還太太。

電話接通老婆Fanny後,Fanny笑言阿華不時都將「我愛你」掛嘴邊,但自己就甚少回應對方。最好笑阿華表白時,提到「你曾經話過下次西方同中國情人節時,我要送99支紫色玫瑰比你?」Fanny竟然話「唔記得」,呢兩公婆真係好正。



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。