陳柏宇為線上音樂會籌備三個月:花心思過同囡囡Abi直播

撰文:
最後更新日期:

陳柏宇偷偷為樂迷準備嘅線上音樂會,將在星期三晚舉行。

差不多每日都會定時定侯喺IG同囡囡直播嘅陳柏宇(Jason),今個星期三終於「重拾」歌手身份,喺個人YouTube 頻道舉行線上音樂會!距離上一次開演唱會已經有一年半時間,難怪Jason都話十分期待:「真係餓咗開 show 好耐,大家都因為疫情關係無得出街,我自己都唔例外,除咗必要嘅工作,其他時間都係留喺屋企湊女,所以先會有大家朝朝睇住我哋食早餐,哈哈!好想表演俾大家睇,咁啱有呢個機會,梗係唔可以錯過啦!」

仲有師妹黃妍

為咗今次演出,Jason早在3個月前已經開始籌備,由演唱歌單、場地等幕後工作,統統都有與相關項目的負責同事及製作團隊認真討論及開會研究,他笑言勤力程度比他早上與囡囡 Abigail 做直播的還要高。今次音樂會場地,並非選擇在studio舉行,而係選址一間黑膠唱片店,不過由於場地所限,所以燈光、取鏡角度等都要花唔少心思去計算。

仲有小塵埃同Michael C。

而除咗Jason之外,線上音樂會仲會有小塵埃 (Lil Ashes)、葉巧琳 (Mischa)、黃妍 (Cath) 及新人 Michael C,他們將與 Jason大玩 crossover,所選的演唱作品都經過細心挑選,他們這段期間亦加緊練習,很重視這個演出,希望演出的每位和收看的觀眾都可以開心滿足。

《YouTube MUSIC NIGHT with JASON CHAN 陳柏宇》線上音樂會 - 演出詳情:

日期:8月19日 (星期三)

時間:晚上9時



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。