黎耀祥曾被同劇演員誤會向傳媒爆料：事後佢言語上單打我

阮兆祥同黎耀祥喺最新一集《雙祥見》中提及曾被出賣，黎耀祥透露當時正在拍攝一套古裝電視劇，有幾位演員群戲及主戲都經常在一起，其中一位男演員在製作上諸多要求，令各演員需重新適應。誰知此消息在拍攝中期外傳，更有新聞報道出現：「報紙大字標題寫某某某某很麻煩，（某某某某四個字，他是複姓嗎？歐陽震華嗎？）你當係，但唔係佢，總之是某某好麻煩，報章出了報道，篇幅很大，當時好多人話係我講，我梗係知道唔係自己講出去，我又唔知道係邊個講，當時搞到好大件事，連被人講果位演員都以為係我講。（點解知道佢覺得係你做？）因為佢言語上單打。」

黎耀祥對此百思不得其解，有感自己被誤會，經過打聽後發現是另一位演員所為。在黎耀祥分享的過程中阮兆祥更「發動」主持人的技能迫問黎耀祥，更一度令黎耀祥大叫：「你一定要問咁多咩？」阮說希望可以問多點資料讓人聯想到是哪一位演員，場面十分搞笑。