陳詩欣同男友睇樓未有入市 IG頻放閃：最激氣話我哋姐弟戀
撰文：洪曉璇
出版：更新：
陳詩欣話自己最愛網購成日買到無停手。（葉志明攝）
陳詩欣（Eunice）呢日出席《big big shop超級感謝祭》記招，上星期佢為好姊妹余香凝婚禮擔任姊妹團兼司儀，當晚帶埋男友出席，事後更喺網上曬合照放閃。Eunice接受《香港01》訪問時笑言：「呢幾日超多人恭喜我，男友最開心，同我曬命話多咗好多人follow。最激氣係話我哋姐弟戀囉，明明佢大我年幾㗎！早一兩年畀傳媒影到我哋拍拖，仲話佢似大叔，忽然又話細過我，應該因為嗰日見人我幫佢執過個look同修圖，谷鬼氣以後唔幫佢執啦。」
口講嬲豬，實質Eunice同男友感情不知幾好，仲被影到一齊去睇樓，似乎有意做業主築愛巢：「其實我哋放假拍拖睇樓係嗜好，大家目標都幾一致，鍾情港島區，前排見樓價跌啲咪睇下樓囉，但最近又升返，睇怕都無咁快買到。如果買樓都預咗一齊供公一份婆一份㗎啦。」
陳詩欣帶埋男友出席婚禮，笑言令男友followers暴增。（陳詩欣IG）
+1