今晚請客｜陳敏之要靚唔要衛生？ 集集都唔戴手套處理食物
撰文：鄺鈺瑩
出版：更新：
開播以來，陳敏之基本上無帶過手奪。(影片截圖)
由黎諾懿同陳敏之主持嘅《今晚請客》，每集都會同嘉賓大鬥廚藝，昨晚播出一集二人合力炮製「金銀蒜黑松露蒸扇貝」。雖然話喺疫情期間，大家都特別注重衛生，但陳敏之全程未有戴上手套，無論係拎起啲生嘅扇貝肉時，又或者將青瓜切片後卷成青瓜葉時，觀眾應該都只會留意到陳敏之嘅水晶指甲，反觀有「疫境廚神」之稱嘅黎諾懿，大部分時間都戴上手套，特別係處理未煮熟嘅食物時。
拎起啲扇貝放粉絲，觀眾應該只睇到陳敏之嘅水晶甲。(影片截圖)
又再睇睇近期嘅無綫烹飪節目：《女人必學100道菜》及《阿爺廚房》，大家都係全程戴上手套，陳敏之雖然在《今》中講多過做，但都應該注意下衛生。
真係要靚唔要命？！(影片截圖)
點擊下圖睇睇邊個唔注意衛生
+8