後生仔傾吓偈｜戴祖儀甜笑爆有人追 終止蝕離場：佢細心位有啲怪
撰文：鄺鈺瑩
出版：更新：
戴祖儀自爆有人追求，但對方行為太君子而令佢止步。
年初因被封為「新姣精」嘅戴祖儀，在IG大聲表示「我都想要兵呀」，估唔到，原來兵早已出現！喺最新一集《#後生仔傾吓偈 》中，眾人以「不受歡迎男生的特質」為題作出討論，戴祖儀忽然甜笑表示：「話說……我朋友最近有男仔追」由於戴祖儀笑到講唔到嘢，連陸浩明都忍唔到提佢：「你再笑我哋就會估到嗰個係你㗎啦。」
戴祖儀認為要睇到男仔特質，最好就係約對方飲酒。
戴祖儀表示呢位追求者有唔少冧豬舉動，例如係當佢喺錄音室時，呢位男性朋友會透過外賣apps供飲供食。「但係除此之外就無啦！佢細心位有啲奇怪，佢好在係唔flirty，亦唔會做任何令你唔舒服嘅嘢，好君子，但永遠都係咁。所以我……我朋友上星期決定咗算啦，因為我覺得作為女仔點都唔可以係主動嗰個，但男仔永遠都係被動的話，咁就算啦。」戴祖儀否認自己係沉船，而係止蝕離場。
港產旅行團｜戴祖儀IG Post與Jumbo浸浴相：我係男仔都睇Jumbo
+39