無煙社區頒獎禮｜高海寧抗拒煙味埋身 胡諾言拒受引誘：堅持唔食
撰文：吳子生
出版：更新：
高海寧（高Ling)同胡諾言（胡仔）今日（23/3）以嘉賓身份現身觀塘出席《第十一屆「戒煙大贏家」無煙社區計劃頒獎禮》。高Ling透露早前爸爸成功將三十多年煙癮成功戒除：「因為工作關係，佢經常要動用腦根，好多時都係食兩口，然後擺喺度，有得佢喺度燃燒住，煙駁煙咁。可能佢鍾意喺嗰個氛圍環境。不過後尾佢發覺自己身體出現毛病『痰上頸』，再加上我同細佬有鼻敏感，對煙味好抗拒，咁所以佢決定戒煙。」
高海寧同胡諾言今日出席《無煙社區頒獎禮》。（葉志明攝）
而胡仔表明自己從來都沒有吸過一口煙：「可能我爸爸媽媽畀我一個好正確嘅觀念，明白到食煙係對身體唔好。咁所以到我入行之後，我亦從來都唔覺得一支煙能夠幫自己入戲，又或者同其他演員多咗溝通，所以咁多年嚟都好堅持唔食，加上自己有小朋友，自己就更加要做好榜樣。」