楊秀惠囡囡一歲生日 親身炮製健康蛋糕慶祝：謝謝你成為我的女兒
撰文：洪曉璇
出版：更新：
楊秀惠去年4月忽然宣佈做媽媽。 （IG：@vvyeo）
楊秀惠選美入行後一直相當勤力劇接劇，至2019年宣佈與拍拖多年嘅富貴男友葉世揚結婚，去年更榮升媽媽嚇大家一跳。眨下眼囡囡已經1歲，楊秀惠親手為囡囡整生日蛋糕相當溫馨。
楊秀惠有女萬事足一邊打理生意，一邊落手落腳湊女，早排佢坐私人飛機返港搞電商學院，都帶埋囡囡同行。（IG：@vvyeo）
去年楊秀惠忽然宣佈榮升媽媽，有女萬事足一邊打理生意，一邊落手落腳湊女，早排佢坐私人飛機返港搞電商學院，都帶埋囡囡同行。呢日囡囡一歲生日，楊秀惠上載片段，原來佢親自製作2層高生日蛋糕，最簡單嘅清蛋糕配以新鮮士多啤梨，令囡囡食得健康唔會攝取太多糖份同添加劑。佢留言話：「Happy 1st Birthday to my baby girl 。謝謝你成為我的女兒，要永遠健康快樂哦，希望你喜歡媽媽為你做的生日蛋糕，媽媽愛你。」雖然囡囡無露面，但片段中聽到佢開心叫聲，母女背影照相當溫馨。
+13