後生仔傾吓偈｜馮盈盈同居令感情變淡：我想傾偈時佢只想瞓覺
撰文：鄺鈺瑩
出版：更新：
馮盈盈與前度同居唔夠半年，即時分手。（影片截圖）
最新一集《#後生仔傾吓偈》以「感情變淡有先兆」為題，節目中，提到同居可令感情變淡時，馮盈盈即時變為全場最有發言權嘅一位：「同居最大問題係無咗拍拖感覺，又或者無咗拍拖呢樣嘢。以前大家分開住，會好期待用末約出嚟、精心籌備約會，就算好簡單食飯或者睇戲都有期待感覺，仲會憧憬，見面好唔夠時間，如果可以住埋一齊就好。但現實與理想，因為同居變成24小時喺埋一齊，分唔到幾時要同佢傾偈、幾時先係me time。我諗住臨瞓前傾偈，但佢就只係想瞓，我諗住食飯後me time，佢就想食飯後傾偈，好多小事變衝突。」
陸浩明與女友陳詩欣相戀八年，感覺有增無減。（影片截圖）
馮盈盈又指雙方嘅生活節奏亦係導火線之一，陸浩明認為一定要有遷就與犧牲，並指自己以前放假一定留在家中，但現在無論幾攰，都會盡量抽出一日時間與女友外出。「我覺得唔可以因自己懶惰而變淡，大家要相處架嘛。」
聽到陸浩明如何遷就女友，馮盈盈嘅表情……（影片截圖）