姚子羚拒參加公司明星運動會拳賽：拍完《拳王》就以為我識打
撰文：賴家杰
出版：更新：
TVB全新資訊節目《500日後》主要是談到新冠肺炎發生日子，而節目中請到不少藝人走入社區，採訪一些抗疫故事，姚子羚是節目中主持人之一，她接受《香港01》訪問時候說：「其實拍呢個節目都幾辛苦，我出咗好多日外景，但係過程入面見到好多香港人嘅無私奉獻，節目入面有一個我哋叫打雜嘅人，佢經常探訪公公婆婆，咁疫情爆發佢哋唔可以外出，家人都唔可以探佢哋，所以就肩負帶歡樂畀佢哋呢個工作。」
子羚拍呢個節目好大感觸。（陳順禎攝）
東京奧運7月舉行，TVB打算舉辦明星運動會炒熱氣氛，子羚笑言：「公司有問邊個識打拳，可能佢哋以為我啱啱拍完《拳王》呢套劇集就以為我識打，其實唔係，冇信心，出到嚟仲要係崔健邦，李君妍佢哋，好彩冇參加，激烈留返畀佢哋，如果真係要參加就參加乒乓波。」