欺詐集團｜張秀文大讚蔣家旻咀唇好性感　錫落好軟熟：覺得好滋潤

張秀文今日（15/6）現身將軍澳電視城，出席無綫新劇《欺詐劇團》宣傳活動。提到在劇中與蔣家旻拍咀戲，秀文表示：「其實呢場戲係講我有一個心理關口，同唔到人錫。於是我就揀咗蔣家旻，而我無理由搵旦哥同敖嘉年錫㗎嘛。大家不嬲都知蔣家旻個嘴唇比較性感啲，錫落去係好軟熟，所以錫完之後係覺得好滋潤。（有同女性錫過？）試過，不過好少，例如好似莊思明佢熱親嘅時候，就會有意無意咁錫埋嚟，但錫完之後，我會係好唔慣嘅。咁但係喺戲裡面係要好情願地同佢嚟個深情一吻。」