蔡思貝透露曾夢想當運動員。（吳子生攝）蔡思貝今日（29/6）現身銅鑼灣出席運動品牌宣傳活動。講起《東京奧運2020》即將揭幕，思貝心情興奮說：「其實我自細有個夢，就係想做運動員，係因為每屆嘅奧運我都會留意，見到一班運動健將真係好有型，加上佢哋嘅堅毅精神，係令我好佩服。雖然我只係無限幻想做運動員，但當我睇到相關好熱血永不放棄嘅題材電影，嗰種力量係會令我流眼淚，我其實係好容易俾呢啲嘢觸碰到。（有冇攞過獎？）有呀！獎牌獎杯都攞過，不過太耐唔記得攞過咩獎。」蔡思貝今日出席運動品牌活動。（吳子生攝）