侯選港姐余詠童（Trixie）今日（10/7）現身尖沙咀到訪纖體中心為《2021香港小姐競選》宣傳。被問到如何備戰？Trixie表示：「其實我好唔滿意自己腰圍，因為其他佳麗都好Fit，大部分人都係21吋腰，而我就25吋。（大會揀錯褲畀你，條褲咁鬆？）哈哈！唔係呀！我自己準備㗎。不過唔緊要啦！而家唔好畀觀眾睇咁多先，遲啲我修身成功，到時就泳裝環節大家就可以睇到我嘅進步有幾大。」